Ramme Alvor

The X-Files...

2012-02-01T18:02:00.005Z

Eller var det X-Faktor? Moseplassen har ein spanande konkurranse på gong. Blomeverda sitt svar på x-faktor.
I fyrste runde skal dei rosa blomane få prøva seg. Og det kjem til å verte eit hardt heat. For meg er det nesten umogeleg å velje...





Her ser de asters, hurdalsrosa, hjerteblomst, blomsterkorg (rosa), the fairy, rosa peonvalmue x2, tulipan angelique, revebjødla, mary rose, tusenfryd og gerbera.

Å velgje ein favoritt er utruleg vanskeleg, men eg går for den kjekkaste tå dei. Rosa peonvalmue fekk eg fyrste gongen av foreldra mine. Far min kom med eit brett stenglete plantar, nesten visna og uten evne til å halde seg sjølv på beina. Eg planta dei innimellom anna blomepryd i bedda utan å heilt vita kva dette var. Då dei sette knopp utpå sommaren såg eg at det var ein valmue, men at den var so vakker det ana eg ikkje.

Då seinsommaren kom stod dei og lyste opp i alle mine bedd.... og eg var forelska. Dette er fleire år sidan no, og sidan desse er ettårige plantar, samlar eg frø kvar haust og sår dei på nytt kvar vår.

Ta dykk ein tur inn til Moseplassen og sjå på alle dei flotte kandidatane

Fridagsfrukost...

2012-02-01T10:52:00.006Z

..sjølvsagt skulle lappane hatt rennande sirup og herlege friske bringebær eller noko anna slik "overflodisk" og herleg, kanskje mest for det visuella. Men då hadde ikkje ungane ete dei. Hjå oss er det ofta lappar til frukost når me har fri, men ikkje med søtt. Salami reknar sonen som superkompatibelt med desse(?).

Mor sjølv har ikkje godt av slik overflod uansett. Då vert det Ingers lavkarbobrød.....gode dei og.

...og ja blåbæra varer enno... :)

Oppskrifta på lappane:

Litt surmjelk av eit eller anna slag, ca 1 dl pr person
1 egg, 2 om det er meir enn 3 dl surmjelk
litt sukker
pittelitt salt
1 ts natron
..mjøl til røra er passe tjukk.
Eg likar den tjukk, men då vert lappane nesten som skiver...som bildet over.

Travel?

2012-01-31T18:42:00.002Z

..hadde eg berre hatt tid til å le....

Draumar om sommar...

2012-01-30T10:25:00.000Z

...midt i den kalde vinter...

Meningslaust...

2012-01-29T20:12:00.003Z

Yngvar Andresen meiner at det er meiningslaust å nekte seg karbohydratar. Noko han sikkert har heilt rett i og derfor laga eg meg den herlege müslien eg fann oppskrifta på i artikkelen de kan lese her.

No må de ikkje gjere som eg gjorde. Durde i veg og då eg endeleg tenkte at eg burde ha lese oppskrifta, var det for seint. Både linfrø og opphakka aprikoser var komen i blandinga som var på veg i ovnen. Eg gjorde mitt beste for å plukke ut i allefall aprikosane og tenkte med meg...kor gale kan det no eigentleg gå? Og jau, det kan gå verkeleg gale! Aprikosane reagerte ikkje rett bra på varmen, snart hadde eg gyllen müsli med bitar av svidd gummi. So var det berre å plukke i veg...ingen angretast i røynda desverre...tok meg litt tid...

..og syns de det vert for mykje mat så er det fordi me har "mat" som tema i fotoklubben denne månaden og ei pakka blåbær varar nestan evig...

God sundag!

Laurdag

2012-01-28T16:57:00.004Z

Brunt og blått..

2012-01-27T13:52:00.001Z

..flott kombinasjon på helgakosen...

2012

2012-01-26T12:19:00.004Z

No har eg lese meg te ka farga so e fine i år. Den fyste fargen er Tangerine Tango og er kåra av Pantone til årets farge.

Den andre er grøn i ein eller anna variant, kåra av Fargerike til årets farge 2012

Da va no voldsomt. Nett no når me har fått husa våre kvite og fine? Nett no når me trudde me va med i gjengen? Alt detta malearbeidet heilt forgjeves?

Eg ser no da, at har ein kasta seg på motekarusellen i fyste omgong, bør ein ikkje bera og klaga seg berre føda om ein begynna å føla seg litt kvalm etter eit par runda....

..men dei er no fine dei og...i små dosa...

...ta på meg...

2012-01-25T19:28:00.003Z

..eg prøve å vera kreativ ilag med Mrs. Hardy og da e veldig kjekt.

Eg valde meg ein song og let meg inspirera....sjølv om fargane og bildena so kom for det indre auga var heller sommarlege...har eg laga ein vinterversjon....fritt inspirert etter denne songen...

..eit lite og fargerikt...

2012-01-24T17:12:00.002Z

..innspel i den svart/kvite vinterverda.....

..mmm..

2012-01-23T21:56:00.003Z

Vidunderlege vintersundag...

2012-01-22T16:09:00.003Z

..då e det vel eigentleg greit at det er måndag i måro...

Vinterhagen...

2012-01-21T14:23:00.003Z

..i går kom kadl'n inn, smilandes frå øyra te øyra..og sa at no hadde han laga nåke eg alltid hadde ynskt meg...

..de kan tenkja deko kor mine små grå jobba.... mest tenkte eg på om det var mogeleg å laga noko eg hadde ynskt meg heila livet.... på ein halv time...

...ein vinterhage, sa han og lo lurt... Ein vinterhage? tenkte eg. Eg har no aldri ynskt meg ein vinterhage. Han må ha blanda meg i hop med alle dei andre damena.... so ynskje seg vinterhage... i glas...

..men nei han hadde laga veg i hagen, slik at me kan gå der ...so no har eg hage, eg har vinter og eg har glas....

Herleg!

Té helga kanskje?

2012-01-20T07:53:00.001Z

...ja, ka ska ein sei...

2012-01-19T11:54:00.003Z

..då eg sat og venta på at min gode halvdel skulle verte ferdig å fresa snjo i dag tidleg, tok eg ein kik på det sokalla interiøret og tenkte at eg gjerne skulle gjort nokre store endringar....om eg hadde hatt peng...om eg hadde vore ein kar i tredveåra frå feks. Austreim kommune rett borti høgget her og hadde 63 milliona te rådvelde...men før eg fekk tenkt skikkeleg grundig på kva dei millionane skulle brukast på vart eg rota inn i ein heller sanselaus debatt med den oppveksande slekta om det faktum at eg tok meg rett te å ha beina på bordet...når dei ikkje fekk lov..... og ja ka skal ein vel eigentleg sei om det?

...vinterlys...

2012-01-18T16:30:00.002Z

Det kalde og kvite vinterlyset som tek over når alle julelys vert rydda bort..

..avslører rot og uorden. Ein god ting det, for då må eg ta fatt i nokre planar og realisera dei...
Eg likar veldig godt når det er enkelt og bart. Gjerne stramt og pietistisk. Samstundes gjer tida på året at mjuke stoff og vennlegsinna tekstilar er herleg å sige ned i etter endt jobb...

Eit innlegg om absolutt....

2012-01-16T12:53:00.001Z

..ingenting...om tid som stod stille og ein augneblink som forsvann...

Januar..

2012-01-15T16:01:00.002Z

Ikkje so mykje å tilføye anna enn eit ynskje om ei god ny veke for dykk alle og kanskje det at nokre sundagsmorgonar kan ein kjenne seg som gresskarskrotten oppe til venstre...

..gamalt nytt..

2012-01-14T15:11:00.004Z

..nytt objektiv og nytt stativ... da gamla av begge dela har takka for seg, og da nya e heilt ansleis enn dei eg hadde før. Nesten som å lera seg å ga på nytt. Og konsklusjonen er at uansett kva utstyr eg har so e da lika mykje arbeid.

..og den evige jakta på gode motiv og godt lys er akkurat den same..

So mange plana...

2012-01-13T07:23:00.000Z

..eg har so uendeleg mange plana. So mykje eg vil gjera, så mykje eg skal gjera og så mykje eg burde-burde ha gjort. Resultatet vert nevane i fanget og total handlingslamming....

...bør vel strengt tatt leggja ein plan for korleis håndtera detta og....

God helg!

..FABELAKTIG...

2012-01-10T17:45:00.002Z

Maria med Fabelaktig har en utfording pågang som seier som so...."For å være med å vinne denne konkurransen, ønsker jeg og Nikon og se ditt beste interiørbilde. Det er viktig å understreke at det skal være et interiørbilde, intet annet." No er verken interiør eller interiørbilder mi sterkaste sida, manglar noko heilt klart intuitivt der og trivs nok best som hermeguri i den samanhengen. Men ein "såkker" for utfordingar er eg uheldigvis, so eg sleng meg med....

..og krysser fingrane for at det fell inn under kategorien ....interiørbilde...

...mmmm...vinter....

2012-01-09T11:22:00.002Z

Italia...

2012-01-08T17:12:00.003Z

Fyrste utfordring frå NIB i år er Global Chic. Eg er ikkje i minst tvil om kvar eg allerhelst kunne tenkt meg å vera akkurat no, og kvar eg vil reisa når eg får høve.

Likavel ikkje lett å setje opp eit tablå når alt ein har frå staden er ei furukongle. Staden er Toscana, landet Italia og det er for meg meir snakk om smak, stemning og lukt enn saker og ting.

...Italia, min stad i sola...

Med nevane i fanget...

2012-01-07T12:37:00.003Z

..sit eg.....og ventar på inspirasjon til å gripa fatt på da sprettnya året.....

Nesten som det vert for nytt og blankt...

..nett i dag skulle eg ynskt..

2012-01-06T12:18:00.002Z

..at bokso hadde store lomme og at lommena va fulle tå penga...

Bildet er lånt frå Moell et Moell furniture

...so è da...

2012-01-05T13:31:00.001Z

There should be laughter after pain.....There should be sunshine after rain.....These things have always been the same....

..ei lita helsing te dei so slit ♥

...litt kvieleg...

2012-01-03T09:36:00.003Z

..etter å ha smakt på våren..er det litt kvieleg å nøye seg med vinter....

..sjølv om han har sin heilt spesielle sjarm.... ;)

Er du for tykk?

2012-01-02T17:45:00.002Z

...ja, dette spørsmålet fekk eg i ein epost frå IForm for eit lite øyeblikk sidan. Ja, og det er vel ikkje heilt fritt. Jula har i allefall ikkje hjelpt på, so no er det som vanleg, striskjorta og havrelefsa, eller var det egg og bacon? I alle fall, nytt år, gamle fortsett. Eit voldsomt ynskje om å verta noko betre enn det ein klarte året før. Sanninga? Eg trur det ikkje før eg ser det....

Den fine tapeten frå nyårsinnlegga under heng desverre på bror min sin vegg i Haugesund. Lysten var der, men eg held meg i skinnet då eg for i dag tidleg. Reknar svigerinna mi ikkje ville lika å kome heim frå arbeid og finne at det mangla ei stripa tapet på stoveveggen....

Når det gjeld IForm og omkrinsen på denna damo, so kan eg no i alle fall sei so mykje; da e no i allefall ikkje nok å abonnera på bladet......

1.januar...

2012-01-01T11:30:00.003Z

...og so var alt nytt... eller rettare... so var det eit nytt år....igjen....lurar på om eg klarar å gjennomføre alle gode intensjonar eg fann heilt nye og ubrukte frå 2011....

Eit velsigna Nytt År!

2011-12-31T16:23:00.003Z

Vil avslutte dette året med ei helsing til dykk alle som har teke dykk tida til å lese bloggen min.

Eg vil ynskje dykk alle eit velsigna nytt år og takke for dei mange kjekke kommentarane i det gamle!

Nyårsbordet i år er enklaste sort. Med vårlege tulipanar og papirstjerner helser me det nye året velkomen..

Kalkunen er i ovnen og boblene kviler i kjøleskåpet...

Godt Nytt År!

Romjul.....

2011-12-29T22:26:00.000Z

Eg forstår eg har forhasta meg...





..sjølv om juletreet for ut i dag, held eg enno på den gode romjulskjensla....

Vårlengt...

2011-12-29T07:42:00.000Z

..sola har snudd...da è no ei trøyst :)

...jolastemning...

2011-12-28T09:24:00.005Z

Eg må innrømma for fyrste gong på så lenge eg kan hugsa...jolastemningen min er borte. Eg gler meg til å kasta ut julatreet, eit skjorareir eg aldri vart heilt fortruleg med. Ute er bakkane grøne og gradestokken viser nesten 10 pluss... No les eg hageblad og gler meg til våren...

At nyåret ligg rett rundt hjørna med askese og gode intensjona gjer meg tilfreds. Berre nokre få dagar att til å velta seg i maksimalisme og overflod. Best å hengja i, fins framleis sjokolade og krem i kjøleskåpet eg må eta opp... ;)
..framleis God Jul!

Ruskaver..

2011-12-27T16:00:00.003Z

I dag baksa eg meg på arbeid der ingenting var på stell. Verken internett, intern nett, telefon eller mobildekning var å oppdriva. Datamaskina stod der som ei verfast øy og var av den grunn nesten ubrukeleg. Nedover langs dalen låg den eine grana etter den andra i grøftekanten, gjerne insurra i telefonledningar og anna rask. Julegrana på jobb hadde teke helg med heile lysstasen på. Dei neste åra vert det nok ei bjørk som må får æra å vera julagran i mangel på noko betre. Dagmar kan vel seiast å ha vore dødeleg for grantrea i dalen...

..ellers er det også litt stille her.....etter stormen...

..sjølv om eg har begynt å tenkja på våren, reknar eg med at snjoen snart kjem att....

..Dagmar...

2011-12-26T12:59:00.002Z

Då for jolegjestane. Dagmar skapte herleg jolastemning inne i går, med tusen jolalys og brettspel langt uti nattetimane då straumen forlet oss i timasvis. Ute gjekk det hardare for seg. Fuglane var litt frynsete i fjørprakten dar dei sat og fraus i dag tidleg..

..både jolasnjo og jolastemning har blåse på havet her på Vestlandet i natt...

Jolagjestane er komne...

2011-12-23T20:05:00.004Z

Eg vil nytta høvet til å ynskje dykk alle ei velsigna jol.

Bileta i dag er frå kriseinprovisajon av bordpynt sidan det brått gjekk opp for meg i dag at duk og pynt til julebordet heilt hadde vorte bortgløymd. So då vert da enkelt, restar frå innpakkingspynten funkar fint på jolabordet det også.

Verre er det med joladuken. Den ligg i botnen av "skal-strykast-ein-gong-i-framtida-korga". Kanskje lika greitt å vaske den på ny og leggje den på slik halvvåt .. ;)

God jol!

..svart senker natten seg...

2011-12-22T22:24:00.001Z

...ja, sit no her eg, og kan ikkje anna. Kadl'n okkuperer TV-en med ein veldig viktig fotballkamp. Alle fotballkampar er viktige, seier sonen vetlevaksen....

Bakedagen...

2011-12-22T18:37:00.001Z

I dag vart den store kjøkkendagen. Til venninegåver vert det i år eksklusiv bakst. Og med eksklusiv meiner oppskrifter som innheld skålding(smutting) av mandlar. Her snakkar me verdifulle kaker, sidan eg har brukt det mest verdifulle eg har, tid....

Vaniljekrinsane hadde tatt litt for mykje "møllers tran", men om forma var i største laget, var smaken framleis god. Peparkakehuset er klar til pynting i morgon ( ja veit me er litt seine) so no legg kjøkkenskrivaren ned sleiva og tek kveld.

God vetle-vetle julaftan!

Mission Impossible..

2011-12-21T16:39:00.007Z

Eg hadde eit viktig oppdrag på fridagen min i dag. Ein jobb som måtte gjennomførast utan noko dilldall.
Det var å rydde og vaske i kjølehjørnet og i spiskammerset. Av heilt uforståelege grunna fann eg meg sjølv i staden i skogen med jolapynt og kamera i sekken, på jakt etter eit lite pyntetre til loftstova.

Eg fann eit lite og sjarmerande tre som eg lånte med meg heim. Skal setje det på plass att så snart jola er over. Og spiskammerset, ja da har eg frameis att, og her sit eg...mission impossible...Ò arbeidslyst kom treng deg inn, her skal du motstand finne!

I dag pyntar me Modalsgrana

2011-12-21T13:25:00.001Z

...kan vel innrømme at me fort kom i beit for greiner å henge pynten på..

..men husdyret tykte jul er fantastisk og har ikkje hatt det så kjekt på lenge...

Glimt...

2011-12-20T09:39:00.003Z

Kronprinesessena og andre bloggarar har laga slike flotte moodboards som gjer i allefall meg glad :)
Eg tenkte eg skulle prøva eg og, men kom fort til kort der. I staden vert det nokre glimt frå laurdagens fotoshoot.

...ikkje så lett å halde fokus når to kongler driv med usømelege ting i vinduskarmen...

Ha ein fortreffeleg tirsdag!

Juletreet..

2011-12-19T07:13:00.003Z

I år vart Halvor (Hr.Alvor) sendt på juletreskogen aleine med ungane. For det er slik eg har vakse opp. Far hentar tre med ungane, mor klagar og ber seg over resultatet.

Og tradisjona er til for å haldast. Eg for på julehandel og drøymde meg vekk på Plantasjen i Disney-juletreskogen og kom heim til ei ekte Modalsgran. Kva det er skal de få sjå når den har kome på fot.

Uansett, å hente juletre i eigen skog overskuggar langt på veg alle feil og manglar med årets juletre. Ein tradisjon er kanskje komen for å bli....

Snjokrystalla...med eit hint av mint...

2011-12-18T09:22:00.003Z

Glad de likte innpakkinga mi. Eg har berre ein dag i veka til å ta bileter i dagslys, og då vert det mykje av det same resten av veka på bloggen som de sikkert har merka. I dag tenkte eg å visa snjokrystalleksperiementet mitt.

Eg har i mange år ynskt meg snjokrystallform til peparkakene for å kunne lage slike flotte amerikanske snjokrystalla. I år fann eg ei lita hjå Kremmarhuset og har leika meg litt med icing. Resultatet vart ikkje heilt som i visjonen min, men til neste år vert det sikker betre :)

Eg har brukt dei som pakkelappar, pynt på virhassel og som "gjevekk" i små gåveposer. Krystallen med farga strøssel har jentungen bestilt som pakkelapp på si julegåve.

...no til siste innspurt i julahandelen...

Julegåvene...

2011-12-17T16:03:00.002Z

...ein stor del av jula er gåvene.

Det er ein kjekk del av førebuingane er å pakke dei inn.

..utan at der var planlagt har det kome mykje turkis inn i julepynten min.

Ynskjer dykk alle ein god laurdagskveld.

Juleforventning i stiv kuling...

2011-12-15T21:06:00.003Z

Dagane rasar avgårde med juleverkstadar, bakekveldar og lysmesser. Fleirtalsforma er meir ei kjensle enn rein sanning. Har vel strengt tatt berre delteke på ein av kvar, men når alt skal skje på ei veke, vert det travelt. I same fart har snjoen fordufta. Ute høljar det ned og julestemningen pressar eg fram med Sissel og Odd på full guffe der eg vassar i uinnpakka gåver og halvferdig julebakst.

Sanninga er at i år gler eg meg til jul. Og av ingen so helst grunn. Eller av alle grunnar i verda. Kanskje mest til varmen frå ovnen og varmen frå herlege julegjestar. Til spente ungar og lukta av nyskrella mandarin, eller var det klemmentin? Eg gler meg til stilla fyrste juledag. Den lange frukosten....ein heil dag berre til kos...

.... herleg!

..ein takk...

2011-12-13T22:01:00.001Z

Når det gjeld gårsdagens innlegg so var eg ikkje spesielt på jakt etter nokon. Ville berre formidle fame si bakside. Både eg og sofaen min har vore med så lenge at me veit kvar me står i verda og let oss ikkje vippa av pinnen tå småting. Men over til noko anna som har lege meg på hjarta ei stund.

Ei takk til alle som av fri vilje har lagt seg til som føljar på bloggen min. Målet mitt var å nå eit høgare tal enn det er innbyggjarar i kommunen vår, og no har eg nådd kommunens mål for 2020 :) Eg er veldig glad at folk vil fylgje denne bloggen. Også du modaling som set og les, kjekt å ha deg med også :)

So til alle dykk som legg att små og store kommentar. De gjer meg glad og betyr ~~altfor~~ mykje for meg. You make my day!

....rampelysets skuggeside...

2011-12-12T21:15:00.011Z

Da è ikkje rart med interiørbileter her i garden for tida. Ikkje at det var so mange fleire før i tida heller, sjølv om eg tok mål av meg å ha det. Saka er den at interiøret har gje te streik. Generalstreik trur eg vil kalla da, dei står stille og stura. Bakteppet er enkelt og veldig kvardagsleg. Nokre kjensler har vorte trakka på.

I bloggebegynnelsen var eg veldig forsiktig. Eg hugsar eg tok eit bilete av ein amaryllis og kjende meg litt laus rett og slett. Litt vågal var eg nærmast der eg utleverte miniatyriske augneblinkar frå heimelivet på bloggen. Alt på skeive og litt på skrå. Heile bloggeverda hadde kink i nakken...

So vart det meir, storblogging kan ein vel kalla da. Store utsnitt av stove og soverom. Ingen løyndommar att, anna enn rotet ein skufla under senga..

Alt gjekk bra, både sofa og seng treivs i kjendistilværet. Dei vart modige og frampå. Ville vere med. Likte styling, og nye putar og blomar fleire gonger i veka var luksus dei snart vende seg til. Småkomodar og gamle kassar var litt meir sjenerte og stakk seg ikkje fram i tide og utide, men stilte stramt opp om eg ba om det.

So her hin dagen var det beint slutt. Ikkje eit bilde meir, ikkje eit pittelite utsnitt ein gong. Og leiaren for denne streika var det fort å finne der han stod midt i stova og sturde. Eg fekk no ut av han, at det hadde komme han for øyra at det på ein annarkjend interiørblogg var skrive noko som dette: " ..la deg ikke lure av de som prøver å komme unna med å kalle det alacantra, det er likefullt mikrofiber av verste sort"

Ja, kva kan ein vel sei? Eg prøvde med at det her var snakk om "av verste sort"... og at då snakkar me heilt sikkert om ein fæl sort. Ein sort min sofa nok aldri har høyrt om eingong. Ein slik sort som sikkert ikkje går an å sitja i ein gong for fine bloggedamerumper og mest sansynleg ingen andre rumper heller.

Eg fortalde at slik microfiber som han var laga av hadde røtter heilt tilbake til 50-talet og eigentleg var ganske retro og kult. Eg sa at me var glad i han sama kva han var laga av.... Men uansett kva eg trøysta med. Kjensler var såra og fotoforbudet er eit faktum.

Difor bilder av nips i dag ;)

...feilskjer....

2011-12-11T19:43:00.006Z

Ja, da er ikkje gjort i ei håndavending å pakka 2 små og 2 store i ein bil, kjøra i 2 tima frå hakkadalen inn te storbyen fø intensiv julahandel.

Da mesta gjekk heilt fint. Berre nokre få feilskjer. Eit av dei har eg gjort før. Eg gjer da faktisk ofta og lovar meg sjølv at det aldri meir skal skje, men so gjer da da. Da e i parfymeri eg slit. Skulle ha mascara, hadde lest om eit merke som hadde vorten "best i test" so da heite og tenkte at da måtte vera nåke fø meg so ikkje har peiling på slikt. Dama bak disken var kjekk og grei ho, men lite villig til å selja meg da eg ba om. Ho hadde eit anna merke so va so mykje betre. Ho brukte det sjølv sjølvsagt og og blunka og knipsa og illustrerte fø meg kva bra saker detta var.

Sanninga er at vippane hennar ikkje var noko spesielt flotte, meir som eit avnåla juletre, men kva veit eg..tenkte eg og kjøpte dette merket eg aldri hadde høyrt om før. Og rett skal vera rett, eg hadde rett. Vippane mine ser ut som grisebust og eg burde ha skjønt at her snakka me sponsing og gode provisjona. Og eg veit da vel og...men eg vert so stakkarsleg og tåssjen når eg står der i halvsvima tå tusen på tusen med godlukter i lufta...og svettar. Då mumlar eg takk og luskar duknakka ut, vel vitande om at eg har lete meg lura att.

Nett so sist eg var på jakt etter eit lett og transparent pudder til å skjula blanke kinn på slutten av ein lang arbeidsdag. Triso so skal hjelpa e so sparkla at sjølv familie og nære sikkert har problem med å kjenna ho att, og ho klara å selja meg alt "ho bruka", sjølv om eg syns da ser heilt forferdeleg ut. Og her trur eg løyndommen ligg. Eg er so redd dei skal sjå at eg ikkje syns dei va so fine, so eg ser ned og takkar ja, betalar og sig ut....skåpa mine her heime er full av hjelpalause kjøp gjort i god meining....

..eit anna feilskjer stod Kremmarhuset for. Eg kom heim med ein ny pute i egyptisk bomull utan knapphol til knappane som var på. So da er ikkje berre hjå meg det går fort i svingane. Får sy dei sjølv, 10 mil i bil er for langt for 3 små knapphol....og snart er det jul!

..då var julegåvene i boks...

2011-12-10T20:37:00.000Z

God laurdagskveld!

..ventetid...

2011-12-08T22:54:00.001Z

..inspirert av øyeblikket viser eg nokre gamle bilder av nokon som ventar svært på jula...

..no er ho større, men ventar like fælt...

...no kom vinteren...

2011-12-07T18:08:00.000Z

..jul ute..

2011-12-06T08:01:00.000Z

Levande lys på juletreet er svært vakkert, men ikkje særleg funksjonelt. Derfor har eg pynta treet i det uferdige drivhuset med gamaldagse lys. Gjev skikkeleg rustikk julekjensle. Gamle julekuler gjev også fin stemning.

...stilla...

2011-12-05T09:13:00.002Z

...desember skulle ha vore litt rolegare...

..synes det vert travlare år for år. Skulle ynskje det var litt meir tid til stilla...berre setje meg ned i sofaen og kjenne på fred og forventning. Lukte nyvaska hus og prate med glade born. I staden vert det fort litt mas og kjas og ein smule kjefting og smelling... Advent betyr ventetid... har vorte litt meir som kaostid. Kanskje på tide å setje ned farten litt, senkje forventningane og skuldrane med.....

..då va da andre sundag her allereie...

2011-12-04T16:21:00.001Z

Lys(s)t på livet..

2011-12-03T20:17:00.005Z

ville berre kommentera ei verdskjend og sagnomsust bloggfrøken si uttaling om at eg kanskje trengte sjå litt lysare på livet... Eg gjer da altso... spesielt no før jul....ser lyst på livet, eller ser på livet med lysst..

..at ting ser litt uklårt ut kan kanskje skuldast at det er laurdagskveld.... ..uansett, eg er svært takknemleg for fjøslykta.
Lys trengst, i dag var det skumring frå morgon til kveld, då er eg glad me er i "lysmånaden" desember.

I år har eg investert i mykje nytt lys...på ting :)

...fredagskveld...

2011-12-02T19:57:00.001Z

God helg!

..konglomerat...

2011-12-02T10:11:00.000Z

...vart vel kanskje vel mykje kongler i interiøret mitt i år...

..men da e enkelt og da e billig! Og i dag kom snjoen til Hakkadalen...

....det er syndefloden...

2011-12-01T08:42:00.005Z

..ein herleg replikk frå Facebook. Da è 'kje advent me har fått i dag, da è syndefloa!

Modalen ligg midt i nedslagsfeltet for allskens nedbør. I fjor var det meter på meter med snjo, no er det over 100 mm nedbør pr. døgn. Heilt klårt at juletemningen let vente på seg i vindkasta. Grøne bakkar og enorme elver. 1. desember er det no lell og advendtskalendarane vart no heldigvis klåre.

I år er det litt for ein kvar smak. Ideen er den same, utførelsen varierer. Til og med kaninen har eigen advendtskalender. Dei sov knapt i natt, ungene. So spente var dei. Og tårene trilla fritt då fyrste kalendergåve viste seg å vere defekt - rett frå BR-leker.

Kor lett er det å få bytta ei leikepakke med Creapy Crawlers som no er fordelt over 14 kalenderpakker, sirleg innpakka i gråpapir, teipa og pynta med band? For ikkje å snakke om at det er langt til næraste butikk. Eg skjønar tårene, ikkje eingong sjokolade kunne fikse skuffelsen.

Då eg var lita kunne eg trøyste dei med, fekk me berre pakker kvar tredje dag (3 sysken) og då var det kanskje berre ei hasselnøtt inni. (no kan hukommelsen min ha spela meg eit puss og blanda seg med gamle triste julesonga..) Men tru meg det var lite trøyst for han å finne i mine oppleveingar. Kan vel ha samanheng med litt feilinformasjon faren har drive med.... Du mamma, Pappa seie du levde då det fans dinosaura på jorda...

...litt utplokket...

2011-11-30T15:26:00.000Z

Det vart ein litt lengre bloggepause enn planlagt. Eller ingen pause var vel eigentleg planlagt, men livet tok overhånd. Eit julebord skulle få plass innimellom også, og i mange timar på førehand vasa eg i storbyen og lette etter klede som skapar folk, berre for å få same melding kvar eg kom...det er litt utplokket på størrelsene...

..slik er det å vera seint ute, ute i siste liten. (og alle skjønar at det ikkje var størrelsen "small" eg leita etter) Alltid litt på hela, gjer i dag det som skulle vore gjort i går. Eg drøyme lika naivt om det året eg vert på linje med dei flinke jentene, jentene som er ferdige med pakkene vekesvis, kanskje åravis på førehand. Jentene som er superkreative og lagar alt sjølv og sjølvsagt heilt frå grunnen.....

.. kvart einaste år er eg for sein til å kjøpe julelys og julepynt...kvart år er det like utplokket som året før. Folk har faktisk kjøpt alle adventslysa før fyrste sundag i advent og butikkane tek då ikkje inn nye...til slike som eg som kjem ei veke etter...

...men til neste år...er det atter nye høve..

Argh...

2011-11-24T11:37:00.003Z

I dag har eg måtta telja te ti............mange gonga....

...da hjelpe...da è kje folk da e snakk om...da è dataprogram...vare...

Førebuing...

2011-11-23T12:35:00.022Z

Det finaste med advendtstida, når tida strekk til, er førebuinga. Gleda over å pynte og gjere ting vakkert. Som alltid kjem denne tida som julenissen på kjerringa. Vips so var det fram med advendtspynten att. Noko har aldri vorte pakka ned...

I år er det mykje natur i pynten og det passar meg godt, glad i skogen som eg er. Likavel klarar eg meg ikkje utan litt glitter og stas i julepynten. Då vert det fort for kaldt og beint fram simpelt og gjev meg inga kjensle av fest. Eg har planar om å klare denne jula utan noko frå TineK, verken telysglas eller skåler. Eg kjenner det pressa på, men eg står enno tappert i mot. Hjortane skal også til ei viss grad få behalde gevira, men kongler og mose hverken står eller ligg trygt i skogen. Sementen står eg over og satsar på at minst mogeleg av den finn vegen i julebaksten....

Krydder som før i tida var rekna som eksotisk, kanel, nellik og stjerneanis synes eg er vakkert som pynt og skaper herlege lukter i heimen. Ungane er nok ikkje alltid einig med mor om kva som er pynt og kva som er festpynt. Eg reknar med at både glitter og glam i store dosar må til for å tilfredstille deira syn på julepynt. Og kjekt er det!

Jul vert det no uansett :)

Advent..s...kalender.

2011-11-21T19:08:00.008Z

Eg ser at dei fleste held på å førebu adventslysestaken. Her vart eg teken litt på senga og har ikkje fått handla meg inn lys. Da e grenser for kva Coopen kan hosta opp på ein vanleg vekedag, så den må vente til eg har vore i storbyen og shoppa litt. I mellomtida held eg på å grave fram adventskalendarene. Denne laga eg i fjor og den vart ein liten hit på Pinterest

Eg har nokre nye på gong. Skal ta bilder og vise framgongsmåter når lyset eingong kjem tilbake...

Lukka...

2011-11-20T12:19:00.000Z

Eg vart for ei tid tilbake den lukkelege eigaren av ein furukonglekrans som LOVE PEACE PIONIES gav bort i sin Gi-bort. Har lenge hatt lyst å vise den men lysforholda her i Hakkadalen er svært kritikkverdige no på vinterstid. I dag lysna da litt opp, men før eg hadde fått minnekortet i kamera var verda småtte i ein sekk att. Derfor måtte eg ut...

Kransen er vakker uansett kor eg heng den og i kva miljø. Så tusen takk for den flotte gåva.

Skogens kongle..

2011-11-19T16:56:00.001Z

No skrid me inn i kongla si tid. Kanskje spesielt i år har kongla kome til heider og æra att.

Min favoritt er furukongla. Kjem nok ein del av dei i hus til jul.

Har du hørt om den dyslektiske elgen som satt i toppen av et tre?
Han trodde han var skogens kongle…

God laurdagskveld!

Frost....

2011-11-16T21:22:00.001Z

Kem è eg?

2011-11-15T17:21:00.001Z

Ja, da håpa eg verkeleg nåken dar oppe, elle ute, veit litt meir om enn eg....

Mitt bidrag til Øyeblikket.net si utfordring " Selvportrett"

Vinteren som forsvann...

2011-11-13T13:48:00.000Z

..i går kom eg slik i julestemning at eg bakte peparkaker med ungane. I dag når eg skulle ta bilder av dei var lyset borte, ute var det regn og grøne bakkar... Vinteren har verkeleg forsove seg i år...

Er vel snart på tide...

2011-11-12T16:00:00.000Z

Å tenkje på jula...

..da vert kjekt kjenner eg....

Nokre dagar må ein berre...

2011-11-11T13:58:00.000Z

..tenkje seg litt om...

God helg!

I grålysninga...

2011-11-10T07:26:00.002Z

..forstår eg at det er ikkje lett å selgje inn drivhusvisjonen min til dykk... Om det er eg som ser noko de ikkje ser, eller at de faktisk har sett det eg ikkje ser... gjenstår det no å sjå...

Det som i allefall er sikkert er at det er tyngre og tyngre å sprette opp or senga om morgonen. Flanellen har gjort sin magi.....

På tide å vakna...

2011-11-09T14:15:00.002Z

Tidlegare innlegg om drivhusprosjektet har hatt overskrifter som drivhusdraum ol. Og her ligg eit viktig problem, eller ei utfordring som dei seier i folkeskulen. Når ein drøyme vert lite gjort....

Målet synes langt unna, men med årets siste blomer i karmen anar eg framleis kva det eingong kan verte..

...nokon som har ei oppskrift på korleis ein driv med kalkhvitting og tilfeldig har ei oppskrift på korleis ein lagar "grauten" også?

Novembertåke..

2011-11-08T21:40:00.000Z

Så lukkeleg for det fine verte me har vorte velsigna med her på vestlandet no i november. Håpar det varer enno litt.

Siste erteblomen...

2011-11-07T16:15:00.000Z

plukka eg i dag. No står den og spreier vellukt på kontoret...

Alle gode ting....

2011-11-06T08:00:00.015Z

Denne månaden si utfordring på NIB er soverom. No har eg nett vist deko vårt soverom og kunne vel strengt tatt brukt dei bilda til dette. Men eg likar veldig godt å bruke dagfersk vare. Laurdag og laurdagsvask, nokre bilder før sengetrekkskifte og nokre etter. Lite lys i dag å leike seg med, men laaaaaaaaaaang lukketid og stativ hjelper på.

Soverommet vårt er veldig lite og har skråtak og eit lite vindauga. I etterpåklokskapens lys (!) skulle me ha laga oss nokre takvindauge for å nyte det lyset som fins her om vinteren. Soveromdraumen er eit stort og luftig rom som badar i lys, men streng tatt bør det no heller vere mørkt når me søv...so akkurat da behovet er godt dekka hjå oss. Små, stygge innsekt i plast fins over alt på sovereommet vårt sidan sonen i huset elskar å vakne utpå kvelden av mor sine hyl....

I tillegg til å vere soverom er rommet også treningsrom for mannen i huset og husar derfor også treningsbenk og haugar med vekter...herleg å stumpe i når ein sjanglar utav senge tidleg ein blåmandags morgon....Sengegavlen laga eg i sommer, det kan de lesa om her.

Eg føler kanskje eg har ramla litt uti trendspannet uten å heilt klara dra det i land. Skulle gjerne vore litt meir innovativ, men dengong ei....snart skal eg mala golvet lyst som i loftstova...

So er det vel berre å sei god natt! I morgon skal eg på Yoga att og prøver autopublisering ....

Så klar for senga...

2011-11-05T17:52:00.000Z

...må berre drikke litt champagne fyrst....

God laurdagskveld!

Vakker november..

2011-11-02T19:33:00.000Z

Eigentleg hadde eg tenkt å endeleg blogge litt interiør i dag, men ute var ein slik vakker dag...

..eg berre måtte ha den med i den store historia....

Novembertirsdag...

2011-11-01T14:18:00.000Z

Tjuvstart...All Hallows Eve..

2011-10-30T15:25:00.002Z

For nokre år sidan var eg veldig imot slik amerikanisering av høgtider. No er eg for alt som er kjekt, og for veldig mange born er dette kjekt.

Me tek ikkje heilt av, men me opnar opp for småting som snop, gresskar og anna smått som markerer noko anna enn vanleg kvardag.

..om nokon vil dra i gong ein voldsom debatt om temaet, går eg fort og legg meg... :)

God ny veke!

Når tida ikkje strekk til...

2011-10-29T21:59:00.000+01:00

og lyset er borte før ein kjem få jobb....

er gjenbruk ein god ting...

No kryp eg til køys og drøymer om nye utfordingar i og nett utanfor heimen. Drivhuset må verte ferdig før snojen kjem...
I morgon...som Scarlett pleide sei....tenkjer på det i morgon....

Litt retro på ein fredag...

2011-10-28T11:41:00.006+01:00

Når eg blar i gamle fotoalbum ser eg heilt klart at fotografen er mer mykje meir interessert i folk, enn i blomer og interiør. Gamle fotoalbum er heilt omvendt av mine fotomapper i nettskya.......kanskje var alt betre før.....

God helg!

Flanellografmannen...

2011-10-26T11:34:00.005+01:00

Flanell (av fransk flanelle) er ein lett og mjuk vevnad av ull, bomull eller kunstfiber som er lett rua på den eine eller begge sidane. Bomullsflanell har eit lodekke som i regelen blir danna av eit laustvunne garn i veften som blir rive opp.
Tynt flanellstoff vert brukt mellom anna til natt- og sengety. Tjukkare flanell vert mellom anna bruka i flanellografar.

Mannen i huset elskar flanell! Og då meinar eg E L S K A R flanell. For å vise at eg spelar på same lag som han, kjøpte eg eit sett Høye flanell no i haust og da har vore i bruk sia dess.

No er det slik at sengesettet var eit forhandlingskort i debatten om Mannen skal få kjøpa seg ei flanell skjorta eller ikkje. Han drøymer om ei tjukk og god flanellskjorta. Eg seier at då kan han lika godt gje opp. Då er ungdommen over, og han som har langt att til 40, vil då skli rett inn i 60-åra. Da einaste so mangla è pipo.

For å gjere freistinga endå større har Coopen tilbod på flanellskjorte og ullgensarar til kara og kvins som likar slikt. Eg trur det einaste som held han tilbake er at eg trugar med tvangsoppløysing av heimen om han kjøper seg ei. Ein kveld låg han og grunna lenge, so kom det tynt.... "eg trur kanskje da ville halde med ei T-skjorta", ...ei undertrøya i flanell ville og gjere meg lukkeleg.....

Og eg forstår at karane er enkle å gleda. Når da e alt han treng for å finna lukka, trur eg at eg godt kunne tenkt meg å vore kar frå tid til anna. Ja, ja. Sengetøyet får halde for no, det er ikkje tynt og mjukt, men tjukt og kløete, kanskje meir som ein flanellograf spør du meg. Ikkje eingong utslitne sundagsskulefigurar hadde ramla av her. Og vinteren kan berre komma, strengt tatt trur eg at me kan sova ute.

Endeleg kom sola...

2011-10-24T20:07:00.002+01:00

No lada me oss opp på sol som gamle bilbatteri på straum og krummar nakken for den lange vinteren som er på veg... (for her er me utan sol i fleire månadar om vinteren grunna høge fjelltoppar...)

Haust

2011-10-23T18:35:00.002+01:00

I dag fekk me ein fin haustdag i Modalen. Me fekk ein so diger dose frisk luft at alle no ligg strak ut på sofaen... Slik går det når ein fell for freistinga å vere ute i skarp dagslys for lenge i slengen... :) bra sola ikkje skein for då hadde me vel sprokke.

God veke!

Fredag og fri...

2011-10-21T11:37:00.000+01:00

Fordelen med at objektivet streikar og gamle bilder må brukast er speseilt ein...

..eg kan late som om det er sol og alltid reint..... :)

God helg!

"Et barn er et lite menneske"

2011-10-20T16:22:00.003+01:00

Når eg leikar med katten min, er det ikke godt å sei om ikkje den leikar meir med meg enn eg med den.
Michel de Montaigne

Dette vetle menneske har nok meir kontroll på fotografen enn fotografen på motivet.

Mitt bidrag til Øyeblikket.net sin fotokonkurranse.

.. over...

2011-10-20T08:30:00.001+01:00

I dag låg det snjo på bakken...

..må bruke bilder frå i fjor. Objektivet mitt har takka for seg, og sparekniven må på ei eller anna strupa før det vert eit nytt... Slik er livet, forandring er det einaste me heilt sikkert kan rekne med...

Dei som oppfann hjulet..

2011-10-18T22:04:00.001+01:00

Smått om senn...

2011-10-17T13:04:00.003+01:00

Drivhuset som skulle verte ferdig i sommar har trekt litt ut i tid som alle gode prosjekt plar gjere.
Eg føler at fallhøgda er stor når eg seier at det er eit drivhus i si rette forstand me prøver å hesje opp.

Som de ser av bilda (klikkbare) så er det no mest rot og skrot enno. Dei gamle vindaugene skal utgjere sjølve driv-delen. Hus kan vi kanskje ikkje kalle resten, men det som dei på engelsk kallar "Lean-to". Altså eit litt tilbygg som lenar seg tungt mot huset. Taket vert i fyrste omgong laga av ei ramme med plast-trekk som kan opnast og latast att når ein kjenner for det. Isolasjon er det i fyrste gong ikkje snakk om. Dette vert eit sommar hus. Og når eg har vaska vindaugene skal de sja at det går an å sjå både ut og inn :)

Utfordringa er å få det til å sjå sjarmerande og rusikk ut. For øyeblikket er det meir som eit skjemmande byggverk naboane kan finne på å klage på og ungane trur det spøkje i .... men te neste år... ;)

Ingen ugler i måsen..

2011-10-16T17:59:00.002+01:00

eller muffens i påsen...



Sjølv om eg har laga muffins til fuglane mine før, so tykje resterande medlemmar i min familie at eg er litt i øvekant eksentrisk når eg set i gong med slik kokkelering. No må da seiast at da è veldig praktis å bruka muffinsforme til solsikkefrø i fett. At eg hadde nokre utgåtte bringerbær i kjøleskåpet som vart prikken over i-en, var nesten heilt tilfeldig...



I dag fekk me ein fantastisk dag i sola. Me for i skogen og plukka kongler og jobba litt med drivhusdraumen. Eller mannen gjorde sistnevnte :) Litt om da i morgon, ikkje mannen då, men drivhuset...



Ynskjer dykk alle ei god ny veke!

Siste stikk av sommar...

2011-10-15T20:16:00.003+01:00

Av desse håpar eg å få "tusen på tusen" med nye peonvalmuer neste år...

Ein av dei vakraste ettåringane eg har....

God laurdagskveld!

Verkeleg alternativ kokkelering...

2011-10-14T09:38:00.001+01:00

Folk har tidlegare uttrykt skepsis til mine eksperimentelle prosjekt på kjøkkenet. I dag vil eg vise det mest ytterleggåande og kanskje minst vellykka.
Man tager litt rein sprit ca 60% og ein neve med friske og spretne kantarellbarn.

La det stå på ei krukke ei veke og sil av, gjerne i ein filterpose.

At resultatet er til forveksling lik ei urinrpøve vil eg ikkje lastas for. Smaken er det eg vil kalle "arti". No gjeld det berre å finne rette bruksområdet. Kanskje "vondt skal vondt fordrive" er på sin plass her.

God helg!

...endeleg litt sol...

2011-10-13T07:23:00.000+01:00

Å jul med di gleda...

2011-10-12T20:21:00.001+01:00

Haustlufta har gje utor meg etter endelause nedbørsmengder. No har eg kjøpt meg juleblad i rein protest!

..og etter omslaga å døme vert det mykje raudt og rosa i år, utan om plankekjøret, bokstavleg talt, naturen inn i huset :)

Helg...

2011-10-09T18:25:00.003+01:00

Mi helg...

God ny veke til dykk alle!

Monstermaster..

2011-10-07T07:37:00.005+01:00

På landsbasis går høglytte diskusjona om monstermaster og vindmøller og kor gruele stygt folk syns slik er. Eg kjem frå ei bygd som er innsurra i master, ledningar, både høg og lågspentar, telefon og fiber. Her er kraftstasjonar i kvar ei ur. Ein kraftkommune på godt og vondt. Her går ingenting i kabel.

..men spør du meg, tykkjer eg dei er vakre. Dei er eit utrykk for tida vi lever i. Dei er vår tids installasjonar og byggverk.

God helg!

Keiserens nye klær....

2011-10-05T20:01:00.009+01:00

NIB si utfording denne gongen dreiar seg om tapet. Og ja, eg likar faktisk ikkje tapet so veldig godt. Eg syns det er veldig flott hjå andre og på bilde. Men når eg sjølv får slikt øve større overflater, merkar eg etter ei stund tendens til høge kneløft og surrete tale. Noko kan sporast tilbake til ein voldsom tapetinspirert barndom på 70-talet. Men som den moteslaven og hermelusa eg er, for eg avgårde og kjøpte eg meg ei stripa...

No må eg vere den fyrste til å innrømma at resultatet vart litt puslete. Da reiv liksom ikkje i retina sidan eg gjekk for ein mjuk og litt diffus skog. Men heilt ærleg so bur eg midt i ein, skog altso og burde vel strengt tatt heller gje for noko meir urbant. Eit blinkskot frå Red Light District kanskje?

Som de sikkert forstår er stripa ikkje vorten limt fast, litt lærargugge som ungane kallar veggkittet held herlegheita oppe. So kan me ta ho ned når me vil og flytte den til meir egna lokasjonar om me skulle ynskje det. Tanken var i allefall god og då er vel allting godt?

Haust i dalen...

2011-10-03T20:58:00.021+01:00

Klimatisk er hausten definert til den perioden av året då den normale døgnmiddeltemperaturen er mellom 0 og 10 ºC og temperaturtrenden er fallande. Etter denne definisjonen varer hausten 60 døgn i Oslo og 66 døgn i Tromsø. Legg du til regn, utan å ha vitskapleg ryggdekning, trur eg talet for Modalen då er 200... :)

Paradisgelè...

2011-10-03T07:38:00.003+01:00

Ja, vert no ikkje ferdig med Paradiseplene heilt med det fyrste. Eg fekk dei i fyrste omgong hjå ein flott bonde her i dalen. Ikkje ka so helst bonde heller, berre les HER.

Da skulle verta sirup av beste slag, men noko skar seg og det enda opp som ein velsmakande gelè i staden. Koka saft og tilsette sukker. Men sirupen utblei, rett i gelè stadiet bar det. Kanskje for rik på pektin desse eplene? Nokon med erfaring på området som kan hjelpa meg?

Uansett, no er snart lageret fullt av alskens etandes produkt. So no kan vel eigentleg jula kome?

Forstod på kommentaren til ei herleg bloggdame her i forgårs at nokre av dykk er litt skeptiske til desse eksperimentelle matinnslaga mine. Og ja eg skjønnar at eg bevegar meg litt i skuggesona av vanleg husmannskost. Men trøyst dykk med det at de har enno ikkje sette det mest alternative og da è meir dar dette kom i frå :)

God mandag!

Evig eig du kun det tap(e)te

2011-10-02T16:36:00.002+01:00

Det har aldelses ikkje gje meg hus forbi at tape plutseleg er vorte slik poppis i interiørverda. Når da gjeld høve til å få tak på slikt er ikkje Coopen heilt på høgda. Dar finne me frysteip, maskerinsteip og gjønosiktig tape. Da må vel eigentleg kallas eit rikhaldig utval.

So her vart eg heilt klårt hengjande etter. No seie ordtaket at om ein ikkje kan hengja med dei så får ein heller øvegå dei, so lenge hadde eg plana om eit heller overfladisk innlegg om dyreprint og tape i interøret. Men etter fleire forsøk dar kaninen overhode ikkje ville hengja på veggen ettè den svarte byggetapen, gav eg opp den strategien også. Vurderte å bruke tape-remsene med kaninpels til eit innlegg om dyreprint og tapet i interøret, men slo også det frå meg.

So eg fekk handla på nettet som alle andre. Med god service frå Lena i Konfetti Form har eg og fått meg "pyntetape". Problemet var berre kva eg skulle gjere med den? So fyst ut va alle umerkte likøra frå 2006 og fram til i dag. Og alle rare gelèar og siruper som eg har eksperimentert meg fram til. No er dei ubønnhørleg merkt og katalogisert. So om ein skulle verte litt surrete etter eit par glas likør eller dram, skal det no i allefall vere lett å lesa seg til kva ein har fått innabords.....

Paradisisk dram...

2011-10-01T15:19:00.002+01:00

Eg har vore so heldig at eg har fått meg litt pardisepler å leike meg med.

Eg tykkjer dei er veldig vakre og dekorative, men har aldri laga mat av dei før. Fyrst ut var dram. Frosne, halve pardisepler og sprit. Slik skal dei stå eit par månadar.

So silar eg av. Vurdere å laga likør halvparten. Har ikkje heilt bestemt meg kva eg vil smaksetje den med, men eg har no to månader på meg til å finne ut av det.